नेपाल, नेदरल्याण्ड्स र थाइल्याण्डको महिला टोलीबीच त्रीकोणात्मक टि–ट्वान्टी आई सिरिज हुने भएको छ । 

नेपाल क्रिकेट संघ क्यानले आज समाजिक सञ्जालमार्फत आगामी माघ १७ गतेबाट सो सिरिज हुने जानकारी दिएको हो । सिरिज अन्तर्गतका सम्पूर्ण खेलहरु कीर्तिपुरस्थित त्रिवि क्रिकेट मैदानमा मध्यान्ह सवा १२ बजेपछि आयोजना हुनेछन् ।

सिरिजको पहिलो तथा उद्घाटन खेल नेपाल र नेदरल्याण्ड्सबीच माघ १७ गते हुनेछ । क्यानका सचिव पारस खड्काका अनुसार सिरिजमा सहभागी तीन टोलीले एक अर्काविरुद्ध तीन–तीनवटा खेल खेल्नेछन् । माघ २५ गतेसम्म सञ्चालन हुने सिरिजको दोस्रो खेलमा नेपाली टोलीले माघ १८ गते थाईल्याण्डसँग खेल्ने छ भने तेस्रो खेलमा नेदरल्याण्ड्ससँग माघ २० गते खेल्ने तालिका छ ।