आहा रारा गोल्डकप फुटबल प्रतियोगितामा आज संकटा क्लब र भारतको थन्डरबोल्ट नर्थ युनाइटेडबीच प्रतिस्पर्धा हुँदैछ । 

पोखरा रंगशालामा हुने खेल दिउँसो ३ बजे सुरु हुनेछ । दुवै टोली विजयी सुरुवात गर्ने लक्ष्य सहित मैदान उत्रदै छन् ।

यसअघि हिजो भएको खेलमा न्युरोड टिम एनआरटीलाई पराजित गर्दै चर्च ब्वाइज युनाइटेड क्वाटरफाइनल प्रवेश गरेको छ ।

निर्धारित र अतिरिक्त समय एक÷एकको बराबरीमा टुंगिएपछि खेल पेनाल्टी शुटआउट हुँदै सडनडेथसम्म पुगेको हो ।

चर्च ब्वाइजले अब माघ २८ मा हुने क्वाटरफाइनल खेलमा विभागीय टोली त्रिभुवन आर्मी क्लबसँग प्रतिस्पर्धा गर्नेछ ।

प्रतियोगिताको विजेताले १२ लाख १ हजार र उपविजेताले ६ लाख १ हजार रुपैयाँ पुरस्कार पाउने छन् ।