साग फुटबलमा नेपाल भुटान विरुद्ध भिड्दै
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2016/others/f28c7c5bf9a9b8f64f718f3ce6876d34.jpg&w=700&height=600)
माघ २४, २०७२
माघ २४, काठमाडौं ।
दक्षिण एसियाली खेल प्रतियोगिता सागमा नेपालले आज पुरुष फुटवलमा भुटान बिरुद्ध प्रतिस्पर्धा गर्दैछ । गुवाहाटीस्थित नेहरु स्टेडियममा खेल अपरान्ह हुदैछ । नेपाली टिमका कप्तान विराज महर्जनले वंगवन्धु गोल्डकप जितेकाले खेलाडीको मनोवल उच्च रहेको बताए । उनले गतिलो सुरुवात सहित मैदान उत्रन लागेको बताएका छन ।
दुइ साताअघि ढाकामा वंगवन्धु गोल्डकपको उपाधी दिलाएको टिमका २० खेलाडी सागमा पनि सहभागी छन । खेलमा नेपालले अहिलेसम्म एक रजत र २ कांस्य गरी ३ पदक मात्र जितेको छ । नेपालले भारोत्तोलनमा एक रजत र एक कांस्य तथा कुस्तीमा एक कांस्य जितेको हो । प्रतियोगितामा भारत १४ स्वर्ण सहित १९ पदकका साथ पहिलो स्थानमा छ ।