मोडेल एग्रो भिलेज बर्दिवासमा नमूना खेती (तस्बिरहरु)
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/money/20240225131509-1708850027.jpg&w=700&height=600)
फाल्गुन १३, २०८० | महोत्तरी
महोत्तरीको बर्दिवास नगरपालिकाको महत्वकांक्षी योजना मेयर कृषि कार्यक्रम अन्तर्गत सुरु भएको मोडेल एग्रो भिलेजमा नमूना संरक्षित खेती प्रणलीबाट उत्पादन सुरु भएको छ ।
बर्दिवासमा होल्याण्ड प्रविधिबाट नमूना खेती प्रणाली सुरु गरिएको सिल्भर लाईन मोडेल एग्रो प्रालिका प्रमुख साधुराम सिंह बस्नेतले बताउनुभयो । बर्दिवासमा सुरु भएको नमूना संरक्षित खेती प्रणाली नेपालमै पहिलो पटक सुरु भएको बस्नेतको दाबी छ ।
![](http://radio-assets-cdn.ekantipur.com/uploads/source/news/2024/money/IMG20240224153325-1708850027.jpg)
मोडेल एग्रो भिलेज बर्दिवासमा सुरु भएको हरितगृह (ग्रिन भिलेज) मा हरेक बोटबिरुवा उत्पादनका लागि आवश्यक मौसम र वातावरण मिलाउन सकिने अन्याधुनिक प्रविधि जडान गरिएको बस्नेतले जानकारी दिनुभयो ।
![](http://radio-assets-cdn.ekantipur.com/uploads/source/news/2024/money/20240225131138-1708850026.jpg)
एग्रो प्रालिले मोडेल एग्रो भिलेज भित्रको साढे सात बिघा जग्गामा अहिले नर्सरी, अनुसन्धान केन्द्र निर्माणसँगै बेमौसमी तरकारी खेती सुरु गरेको छ । नगरपालिकासँग २० वर्षको सम्झौतापछि काम अघि बढाएको एग्रो प्रालिले जनाएको छ ।
![](http://radio-assets-cdn.ekantipur.com/uploads/source/news/2024/money/IMG20240224161321-1708850027.jpg)
![](http://radio-assets-cdn.ekantipur.com/uploads/source/news/2024/money/20240225131143-1708850026.jpg)
अहिले ४ बिघा क्षेत्रमा अत्याधुनिक प्रविधि जडान गरी ४ वटा हरित गृह निर्माण भएका छन् । हरित गृहसँगै एउटा अध्ययन केन्द्र पनि एग्रो प्रालिले निर्माण गरेको छ । नेपालमै नयाँ र चाखलाग्दो प्रविधि भएकाले किसान र सरोकारवालले हरित गृहको प्रविधि र उत्पादनलाई निकै उत्साहका साथ हेरेका बस्नेतको भनाई छ ।