लागूऔषध कोकिनसहित दुई विदेशी पक्राउ
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/default/Radio-1711255025.jpg&w=700&height=600)
असार २०, २०८१ | काठमाडौं
लागूऔषध कोकिनसहित दुई जना विदेशी नागरिक काठमाडौंबाट पक्राउ परेका छन् । प्रहरीको लागूऔषध नियन्त्रण ब्यूरोको टोलीले ठमेलस्थित एक होटलबाट कोकिनसहित तान्जानियाका दुई नागरिकलाई पक्राउ गरेको हो ।
उनीहरुको साथबाट एक किलो दुई सय ४७ ग्राम कोकिन बरामद भएको ब्यूरोले जनाएको छ । प्लास्टिक कोटेड कोकिनका ७२ थान क्याप्सुल उनीहरुले इथियोपियामा पुगी निलेर काठमाडौं आएको अनुसन्धानमा खुलेको ब्यूरोले जनाएको छ ।
उनीहरुको साथबाट बरामद लागूऔषधको बजार मूल्य ४ करोड ३७ लाख बराबर रहेको प्रहरीको भनाइ छ ।