अमेरिकी राष्ट्रपति डोनाल्ड ट्रम्पले सहयोगी र प्रतिद्वन्द्वी सबै मुलुकका सामानको आयातमा उच्च कर लगाउने घोषणा गरेपछि विश्वभर तरङ्ग उत्पन्न भएको छ ।

ट्रम्पको घोषणापछि अन्तर्राष्ट्रिय बजारमा उथलपुथल ल्याएको छ । राष्ट्रपति ट्रम्पले चीन, भारत, जापान, अष्ट्रेलिया, बेलायत, युरोपेली संघलगायत मुलुकमा उच्च आयात कर लगाउने घोषणा गर्नुभएको हो । साथै, उहाँले अमेरिकामा आयात हुने सबै सामानमा १० प्रतिशत आधारभूत शुल्क लगाउने समेत बताउनुभएको छ ।

राष्ट्रपति ट्रम्पको सो कदममा आपत्ती जनाउँदै ईयु र चीनले बदला लिने प्रतिक्रिया जनाएका छन् । अमेरिकाको सो कदमले विश्वव्यापी व्यापार युद्धलाई बढावा दिएको अन्तराष्ट्रिय सञ्चारमाध्यमले जनाएका छन् ।