नेपाल सुपर लिग फुटबलमा झापा एफसी र काठमाडौं रेजर्सले गोलरहीत बराबरी खेलेका छन् । बराबरी सँगै दुबै टोलीले समान १–१ अङ्क बाँडेका छन् । 

दुवै टोलीले जारी सिजनमा अहिलेसम्म जित भने निकाल्न सकेका छैनन् । काठमाडौं रेजर्सले आफ्नो पहिलो खेलमा साविक विजेता ललितपुर सिटीसँग २–२ गोलको बराबरी खेल्दा झापाले बुटवल लुम्बिनीसँग गोलरहित बराबरी गरेको थियो । 

आजको खेलको नतिजासँगै काठमाडौं र झापाले समान २ खेलबाट २ अङ्क जोडेको छन् । प्रतियोगिता अन्तर्गत अब भोलि हुने खेलमा बुटवल लुम्बिनी एफसी र एफसी चितवनबीच प्रतिस्पर्धा हुनेछ ।