सिन्धुपाल्चोक पहिरोमा पुरिएर ९ जनाको मृत्यु (अपडेट)
भाद्र २८, २०७७ | सिन्धुपाल्चोक
सिन्धुपाल्चोकको बाह्रबिसे नगरपालिका—७ घुम्थाङ नागपुजेस्थित फड्के खेतमा पहिरो जाँदा ९ जनाको मृत्यु भएको छ ।
नागपुजे र भिरखर्कको पहिरोमा ६२ वर्षीया भक्तिमाया श्रेष्ठ, ९८वर्षीया ट्याक्सी शेर्पा, भिरखर्कका २३ वर्षीया जुनु विक, २४ वर्षीय शुकलाल विक, ८ वर्षीय सन्देश विक, ६० वर्षीया सर्किनी नेवार, ६५ वर्षीय धनलाल विक, ६० वर्षीय हिरामाया नेवार र नागपुजेकी ४२ वर्षीय ज्ञानीमाया प्रधान रहेका छन् ।
पहिरोमा पुरिएर बेपत्ता भएका २२ जनाको नेपाली सेना, सशस्त्र र नेपाल प्रहरीको संयुक्त टोलीले खोजी जारी राखेको छ ।
अविरल वर्षापछि आज बिहान खसेको पहिरोले नागपुजे र भिरखर्क गाउँ नै बगाएको छ । एक किलोमिटर माथिबाट आएको पहिरोले नागपुजेका ७ घर र भिरखर्कमा १० घर पुरेको छ भने ३ घरमा क्षति पुर्याएको इलाका प्रहरी बाह्रबिसे प्रहरी निरीक्षक नवराज न्यौपानेले बताउनुभयो ।
सम्बन्धित समाचार :
