बाढीपहिरोमा परि पछिल्लो १ महिनामा ४७ जनाको मृत्यु
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/news/pahiro-1719397721.jpg&w=700&height=600)
असार २०, २०८१ | काठमाडौं
बाढी, पहिरो र चट्याङका कारण मुलुकका विभिन्न स्थानमा पछिल्लो १ महिनामा ४७ जनाको मृत्यु भएको छ । ६२ जना घाइते भएको गृह मन्त्रालयको तथ्याङ्क छ ।
मनसुन सक्रिय भएसँगै देशका पहाडी भूभागमा पहिरो जाने क्रम बढेको छ भने तराईका अधिकांश भूभाग डुबानमा परेका छन् । पहिरोका कारण मात्रै २४ जनाको मृत्यु भएको छ भने १९ जना घाईते भएका छन् ।
सो अवधिमा डुबानका कारण ४ जनाको मृत्यु भएको छ भने २ जना घाईते भएका छन् । देशका विभिन्न स्थानमा चट्याङले लागेर १९ जनाको मृत्यु भएको छ भने ३७ जना घाईते भएका छन् ।
मनसुन सक्रिय भएयता ८ करोड २० लाख बराबरको भौतिक पूर्वाधारमा क्षति पुगेको छ । ४६ वटा भौतिक संरचना ध्वस्त भएका छन् । बर्खाको समयमा बाढी, पहिरोका कारण प्रत्येक वर्ष ठूलो मात्रामा जनधनको क्षति हुने गर्छ ।
यद्यपि, सरकारले क्षति न्यूनीकरणमा भने प्रभावकारी कदम चाल्न सकेको छैन ।