पछिल्लो पाँच महिनामा विभिन्न कसुरमा दोषी ठहर भएर फरार रहेका ५ हजार ८ सय ४६ जना पक्राउ परेका छन् । 

साउनदेखि मंसिर मसान्तसम्मको अवधिमा प्रहरीले देशका विभिन्न ठाउँबाट उनीहरुलाई नियन्त्रणमा लिएको हो । प्रहरीले आज सार्वजनिक गरेको विवरण अनुसार पक्राउ परेकाबाट ४५ कारोड पाँच लाख ४२ हजार रुपैयाँ जरीवाना माग भएको छ भने १ हजार ९ सय ६८ वर्ष ९ महिना ८ दिन कैद सजाय दाबी गरिएको छ । 

 प्रहरीका अनुसार मधेश प्रदेशबाट १ हजार ५ सय ९४ जना पक्राउ परेका छन् । यो अन्य प्रदेशको तुलनमा सबैभन्दा धेरै हो । यस्तै कर्णाली प्रदेशबाट सबैभन्दा कम १ सय ६९ जनालाई प्रहरीले पक्राउ गरेको छ । मधेश प्रदेशपछि काठमाडौं उपत्यकाबाट मात्रै १ हजार २ सय ५३ जना तथा लुम्बिनी प्रदेशबाट १ हजार ३५ जना पक्राउ परेका छन् ।

काठमाडौंस्थित केन्द्रीय अनुसन्धान ब्यूरोको टोलीले यो अवधिमा ५४ जनालाई पक्राउ गरेको छ भने उनीहरुबाट मात्रै १४ करोड ९१ लाख रुपैयाँ जारीवाना माग गरिएको छ ।