उपप्रधान तथा अर्थमन्त्री विष्णु पौडेलले २०८४ सम्म केपी शर्मा ओली नेतृत्वको वर्तमान सरकारभन्दा अर्को स्थिर शक्तिशाली सरकार बन्न नसक्ने दाबी गर्नुभएको छ । 

काठमाडौंमा आज आयोजित एक कार्यक्रमलाई सम्बोधन गर्दै उहाँले वर्तमान सरकार एमाले र कांग्रेस मिलेर बनेको शक्तिशाली सरकार भएकाले २०८४ सम्म अर्को सरकारको परिकल्पना नै गर्न नसकिने बताउनुभएको हो । मुलुकमा अहिले स्थिर सरकार भएकै कारण कानुनी सुधार गरिएको र लगानीकर्तामा समेत मनोबल बढेको पौडेलको भनाइ छ ।

त्यस्तै, उहाँले सरकारले योजना बनाउँदा प्राथमिकतालाई आधार मान्ने बताउनुभयो । अर्थमन्त्री पौडेलले योजना निर्माण गर्दा प्राथमिकतामा आधारित भए÷नभएकोमा ध्यान दिनुपर्नेमा जोड दिनुभयो ।