प्रधानमन्त्री केपी शर्मा ओलीको भ्रमणलाई लिएर सत्तारुढ र प्रतिपक्ष दलले कूटीनीतिक माध्यमबाट नेपालको भूमि फिर्ता गराउन लाग्नुपर्नेमा साझा धारणा राखेका छन् । प्रतिनिधिसभाको आजको बैठकमा बोल्दै रास्वपा सांसद गणेश पराजुलीले प्रधानमन्त्री ओली चीन भ्रमणमा जानुअघि राष्ट्रिय सार्वभौमिकता र सीमा सुरक्षाको पक्षमा संसदबाट सर्वसम्मत साझा अवधारणा बनाउन माग समेत गर्नुभयो । 

यस्तै, एकीकृत समाजवादीका सांसद राजेन्द्र पाण्डेले नेपाललाई जानकारी नै नदिइ चीन र भारतबीच लिपुलेक, लिम्पियाधुरा र कालापानीका सन्दर्भमा भएको सहमतिबारे प्रधानमन्त्रीको चीन भ्रमणका क्रममा स्पष्ट धारणा राख्न समेत आग्रह गर्नुभयो । त्यस्तै सत्तारुढ दल नेपाली कांग्रेस सांसद राजेन्द्र कुमार केसीले चीनको भ्रमणका क्रममा भूमीको सुरक्षाका लागि फलदायी छलफल गर्न आग्रह गर्नुभयो । 

त्यस्तै, जनता समाजवादी पार्टी (जसपा) नेपालकी सांसद रञ्जुकमारी झाले वार्ता र कूटनीतिका माध्यमबाट नेपालको भूमि फिर्ता गराउन प्रधानमन्त्रीको चीन भ्रमणका क्रममा विशेष पहल हुने विश्वास व्यक्त गर्नुभयो ।