थ्रेसर मेसिनमा च्यापिएर देवदहमा एक महिलाको मृत्यु
फाल्गुन २२, २०८० | बुटवल
रुपन्देहीको देवदह नगरपालिका–४, विजयपुरमा थ्रेसर मेसिनमा च्यापिएर एक महिलाको मृत्यु भएको छ ।
देवदह–४ विजयपुरस्थित इन्द्रेणी प्लाष्टिक उद्योगमा काम गर्ने क्रममा सोमबार साँझ थ्रेसर मेसिनमा च्यापिएर तिनाउ गाउँपालिका–३ कोलडाँडाबी ५१ वर्षीया लिलासरा दर्लामीको मृत्यु भएको हो ।
देवदहस्थित प्रहरी चौकीका प्रहरी निरीक्षक प्रसाद चौधरीका अनुसार तिनाउ घर भई हाल देवदह–३, टटेरा बस्दै आएकी ५१ वर्षकी दर्लामी थ्रेसर मेसिनमा च्यापिएर घाइते भएकी थिईन् ।
दलार्मीलाई उपचारका लागि बुटवलको लुम्बिनी प्रादेशिक अस्पतालमा पुर्याईएपछि डाक्टरले मृत घोषणा गरेको प्रहरी निरीक्षक चौधरीले बताउनुभयो ।