कैलालीमा एम्बुलेन्स दुर्घटना हुँदा एक किशोरीको मृत्यु
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/default/Accident1-1712712886.jpg&w=700&height=600)
जेष्ठ १, २०८१ | धनगढी
कैलालीको लम्कीचुहा नगरपालिकाको बलचौरमा मंगलबार बिहान भारतीय नम्बर एम्बुलेन्स दुुर्घटना हुँदा एक जनाको मृत्यु भएको छ ।
दुुर्घटनामा परि बर्दियाको राजापुर नगरपालिका–९ की १८ वर्षीया अञ्जली परियारको मृत्युु भएको हो ।
अत्तरियास्थित प्रदेश ट्राफिक प्रहरी कार्यालय अनुसार परियार भारतको हल्द्धवानीमा उपचार गरी भारतीय एम्बुलेन्समा घर फर्किदै गरेको अवस्थामा दुर्घटना परेकी हुन् । एम्बुलेन्स अनियन्त्रित भएर दुुर्घटना भएको हो ।
एम्बुलेन्समा रहेका अन्य पाँच जना भने सकुशल रहेका छन् । एम्बुलेन्स चालकलाई नियन्त्रणमा लिइएको प्रहरीले जनाएको छ ।