दाङमा मोटरसाइकल दुर्घटना हुँदा एक जनाको मृत्यु भएको छ । अर्का एक जना घाइते भएका छन् । 

मोटरसाइकल दुर्घटना हुँदा त्यसमा सवार रोल्पाको परिवर्तन गाउँपालिका–२ का ३१ वर्षीय दिलप्रसाद खत्रीको मृत्यु भएको तुलसीपुरस्थित इलाका प्रहरी कार्यालयका प्रहरी निरीक्षक प्रकाश थापाले बताउनुभयो । 

तुलसीपुरबाट जसपुरतर्फ जाँदै गरेको रा ३ प ६४९३ नम्बरको मोटरसाइकल अनियन्त्रित भई पल्टिएको थियो । दुर्घटनामा घाइते खत्रीको नेपालगञ्ज मेडिकल कलेजमा उपचारका क्रममा गएराति मृत्यु भएको प्रहरी निरीक्षक थापाले जानकारी दिनुभयो । 

दुर्घटनामा मोटरसाइकल चालक तुलसीपुर–११ का ३१ वर्षीय पंकज खत्री घाइते भएका छन् । उनको मेडिकल कलेज कोहलपुरमा उपचार भईरहेको प्रहरीले जनाएको छ ।