हिमालयन शेर्पा क्लब सर्बाधिक पुरस्कार राशीको सुदुरपश्चिम खप्तड गोल्डकप फुटबल प्रतियोगीताको सेमिफाइनलमा प्रवेश गरेको छ । 

धनगढी रंगशालामा आज भएको अन्तिम क्वाटरफाइनलमा रुपन्देहीको गोर्खा ब्वाईजलाई टाईब्रेकरमा ५–४ गोल अन्तरमा पराजित गर्दै हिमालयन शेर्पाले अन्तिम चारमा स्थान बनाएको हो । निर्धारित समय गोलरहित बराबरीमा सकिएपछि खेलको निर्णय टाईब्रेकरबाट लिईएको हो । 

गोर्खाका सुजित बुढाथोकीको प्रहार गोलकिपर टेकेन्द्र थापाले बचाएपछि हिमालयन अन्तिम चारमा स्थान बनाउन सफल भयो ।

सेमिफाइनलमा हिमालयनले थ्रीस्टार क्लबसँग प्रतिस्पर्धा गर्नेछ । पहिलो सेमिफाइनलमा भोली सशस्त्र प्रहरीको एपीएफ र आयोजक सुदुरपश्चिम ११ बीच प्रतिस्पर्धा हुनेछ ।