नेपाली पुरुष टिम भारतमा जारी खो खो विश्वकपको फाइनलमा प्रवेश गरेको छ । इन्दिरा गान्धी इन्डोर स्टेडियममा शनिबार भएको पुरुषतर्फको सेमिफाइनलमा इरानलाई ७२–२० ले पराजित गर्दै नेपालले उपाधि यात्रा तय गरेको हो । 

शुक्रबार भएको सेमिफाइनलमा बंगालादेशलाई ६७–१८ ले हराउँदै नेपाल अन्तिम चारमा पुगेको हो । नेपाल समूह उपविजेता बन्दै क्वाटरफाइनलमा पुगेको थियो । समूह ‘ए’मा नेपालले ४ खेलबाट ९ अंक जोडेको थियो । 

समूह चरणमा नेपाल भारतसँग ४१–३७ पराजित भएको थियो । अन्य खेलमा भने नेपालले ब्राजिललाई १३४–८ र पेरुलाई ८०–३४ लाई र भुटानलाई ९८–८ ले हराएको थियो । 

अब नेपालले उपाधिका लागि आजै हुने दक्षिण अफ्रिाका र आयोजक भारतबीचको विजेतासँग प्रतिस्पर्धा गर्नेछ ।