शहिद भीमनारायण गोल्डकप फुटबल प्रतियोगिताको १७ औं संस्करणको उपाधिका लागि उदयपुरको गाईघाट फुटबल क्लब र सप्तरीको नमोबुद्ध फुटबल क्लबबीच प्रतिस्पर्धा हुँदैछ । 

धनकुटाको तल्लो टुँडिखेलमा दुवै टिम उपाधि रक्षाको लागि भिड्ने छन् । दुवै टिमले यसअघिका संस्करणमा उपाधि उचालिसकेका दाबेदार टिमलाई पाखा लगाउँदै फाइनल यात्रा तय गरेका हुन् । 

नमोबुद्ध फुटबल क्लबले डिफेन्डिङ च्याम्पियन बिर्तामोड युनाइटेड क्लबलाई सेमिफाइनलमा पराजित गर्दै फाइनलमा स्थान सुरक्षित गरेको हो । विभागीय टिम एपीएफ क्लबलाई स्तब्ध पार्दै गाईघाट फुटबल क्लब उपाधि नजिक पुगेको हो । 

प्रतियोगितामा ‘ए’ डिभिजनका एकसहित आठ टिमको सहभागिता रहेको आयोजक सहिद भीमनारायण स्मृति प्रतिष्ठानले जनाएको छ । प्रतियोगिताको १७ औं उपाधि विजेताले ५ लाख रुपैयाँ र उपविजेताले २ लाख ५० हजार रुपैयाँ प्राप्त गर्नेछन् ।