भारतको खाद्य सुरक्षा कार्यक्रमबारे अध्ययन गर्न कृषि तथा पशुपन्छी विकास मन्त्री महेन्द्र राय यादवको नेतृत्वको नेपाली टोली नयाँ दिल्ली पुगेको छ । विश्व खाद्य कार्यक्रमको संयोजनमा नेपाली टोलीलाई भारतले अपनाएको खाद्य सुरक्षा रणनीतिबारे जानकारी गराइनेछ । 

भारतको खाद्य सुरक्षा ऐन २०१३ अन्तर्गत चलाईएको लक्षित वर्गसम्म खाद्यान्न पुर्‍याउने, दिवाखाना तथा बालबालिकाको क्षेत्र कार्यक्रम सफल मानिएको छ । ती कार्यक्रमहरु मार्फत करोडौं भारतीय समक्ष सहजै खाद्यान्न पुर्‍याईएको छ । गरीबीको रेखामुनी रहेका परिवारलाई अतिन्यून दरमा भारत सरकारले खाद्यान्न उपलब्ध गराउने गरेको छ ।