नेपाली बजारमा सुनको मूल्यले नयाँ कीर्तिमान बनाएको छ । नयाँ रेकर्ड कायम गर्दै छापावाल सुनको मूल्य आज तोलाको दुई लाख ६ सय रुपैयाँ पुगेको हो । 

यो भाउ अहिलेसम्मकै उच्च भएको नेपाल सुनचाँदी व्यवसायी महासंघले जनाएको छ । गत साउन २३ गते तोलाको एक लाख ९९ हजार ४ सय रुपैयाँ पुगेर रोकिको सुनको भाउले आज दुई लाख नाघेको हो ।

 हिजोको तुलनामा सुनको मूल्य आज एकैदिन तोलामा एक हजार २ सय रुपैयाँले बढेको महासंघले जनाएको छ । त्यस्तै, चाँदीको मूल्य पनि आज तोलामा पाँच रुपैयाँले बढेको छ । चाँदीको मूल्य प्रतितोला दुई हजार ३ सय ६० रुपैयाँ पुगेको छ ।