नेपाल आउन इच्छुक पश्चिम बंगालकी मुख्यमन्त्री ममता बनर्जीलाई केन्द्र सरकारले अनुमति नदिएपछि नेपाली कांग्रेसको महाधिवेशनमा पाहुनाका रुपमा आउन नपाउने हुनु भएको छ । आमन्त्रणलाई स्विकार गर्दै उहाँले केन्द्र सरकारसँग नेपाल भ्रमणको अनुमति माग्नु भएको थियो । 

मुख्यमन्त्रीले कुनै पनि विदेश यात्रा गर्दा केन्द्र सरकारको अनुमति लिनुपर्ने ‘प्रोटोकल’ छ । सोही प्रोटोकल अनुसार ममताले आफ्नो नेपाल भ्रमणको अनुमति माग गर्दै केन्द्रलाई पत्राचार गर्नु भएको थियो ।