फ्रान्समा गरिएको एक सर्वेक्षणले आधा बढी नागरिक नयाँ चुनाव गर्नुपर्ने पक्षमा देखिएको जनाएको छ । सर्वेक्षणको नतिजा अनुसार ६३ प्रतिशत नागरिकले वर्तमान संसद विघटन गरेर नयाँ चुनाव गरिनुपर्ने बताएका हुन् ।

 सरकारको भविष्यलाई लिएर विभिन्न विश्लेषण भइरहेका बेला सार्वजनिक भएको सर्वेक्षणको नतिजाले सरकारको अस्थिरता थप बढाएको अन्तर्राष्ट्रिय सञ्चार माध्यमले जनाएका छन् । 

जनमतमा प्राप्त नतिजापछि अल्पमतमा परेको प्रधानमन्त्री फ्रान्कोइस बायरो नेतृत्वको सरकार अर्को महिना ढल्न सक्ने देखिएको समाचारमा जनाइएको छ । जनमत सर्वेक्षणमा सहभागी दुई तिहाइ नागरिकले राष्ट्रपति इमानुएल म्याक्रोंले राजीनामा दिनुपर्ने धारणा राखेको बताइएको छ ।