पहिरो प्रभावित क्षेत्रको अवलोकनमा पुगेका बुटवल उपमहानगर प्रमुखमाथि हातपात
आश्विन ४, २०७८ | तिलोत्तमा
रुपन्देहीको बुटवल उपमहानगरपालिकाका प्रमुख शिवराज सुवेदीमाथि हातपात भएको छ । बुटवल उपमहानगरपालिका वडा नम्बर ३ र ४ का पहिरो प्रभावित क्षेत्रको अवलोकनका लागि पुगेको उपमहानगर प्रमुख सुवेदीमाथि स्थानीयले हातपात गरेका हुन् ।
केही दिनदेखिको लगातारको वर्षाले चुरेबाट खसेको पहिरोले परिएर ज्योतिनगर र लक्ष्मीनगर क्षेत्रका करीब २ दर्जन घरमा क्षति पुगेको थियो । पहिरो प्रभावित क्षेत्रका स्थानीयलाई राहत उपलब्ध नगराएको भन्दै उनीहरु आक्रोशित थिए ।
पहिरो प्रभावित क्षेत्रको अवलोकनमा पुगेका उपमहानगरपालिकाका प्रमुख सुवेदी सहितको टोलीलाई स्थानीयले कुटपिट गरेपछि केहीबेर स्थिति तनावग्रस्त बनेको थियो ।
सोमबार फेरि खसेको पहिरोमा पुरिएर सोही स्थानका ३ वटा घरमा क्षति पुगेको छ । सरकारले आफूहरुलाई बेवास्ता गरेका पहिरो प्रभावित स्थानीयको गुनासो छ ।