राष्ट्रिय सभा अध्यक्ष चयनका लागि आगामी फागुन २९ गते निर्वाचन गर्ने तयारी भएको छ । राष्ट्रिय सभा कार्यव्यवस्था समितिले तयार गरेको सम्भावित कार्यतालिकामा सो दिन निर्वाचन गर्न प्रस्ताव गरिएको हो । राष्ट्रिय सभा अध्यक्ष गणेश तिमिल्सिनाको समयावधि सकिएपछि सो पद रिक्त हुने भएकाले नयाँ अध्यक्ष चयन गर्नुपर्ने भएको हो । 

सत्तारुढ गठबन्धनभित्र नेपाली कंग्रेसका नेता कृष्ण सिटौलालाई राष्ट्रिय सभा अध्यक्ष बनाउने बिषयमा छलफल भइरहेको बताइएको छ । संघीय संसदको माथिल्लो सदन राष्ट्रिय सभाका अध्यक्ष संवैधानिक परिषद्को सदस्य हुने व्यवस्था छ ।