बर्दियामा चार जना सवार स्कुटर दुर्घटना हुँदा बाबुछोरीको मृत्यु भएको छ ।

गुलरियास्थित हुलाकी सडकमा रोकि राखेको ट्याक्टरमा ठोक्किएर भएको दुर्घटनामा सप्तरीका ३२ वर्षका रामकुमार साह र छोरी ६ वर्षकी विद्याको जिल्ला अस्पतालमा उपचारका क्रममा मृत्यु भएको प्रहरीले जनाएको छ ।

जिल्ला प्रहरी कार्यालय बर्दियाका एसपी केदार खनालका अनुसार दुर्घटनामा साहका पत्नी र छोरा घाइते भएका छन् । उनीहरुको जिल्ला अस्पतालमा उपचार भइरहेको हाम्रा सहकर्मीले जनाएका छन् । प्रहरीले ट्याक्टर चालकलाई नियन्त्रणमा लिएको छ ।