कांग्रेस सभापति शेरबहादुर देउवा र राष्ट्रिय प्रजातन्त्र पार्टी(राप्रपा) का अध्यक्ष राजेन्द्र लिङ्देनबीच भेटवार्ता भएको छ । बुढानीलकण्ठस्थित देउवा निवासमा आज भएको भेटवार्तामा सभापति देउवा र अध्यक्ष लिङ्देनबीच समसामयिक राजनीतिक विषयमा छलफल भएको राप्रपाका प्रवक्त मोहन श्रेष्ठले जानकारी दिनुभयो ।

 साथै, यही पुस २७ गते राप्रपाले आयोजना गर्ने पृथ्वी जयन्ती विशेष कार्यक्रमको निम्तो दिन समेत अध्यक्ष लिङ्देन पुग्नुभएको उहाँले बताउनुभयो । पृथ्वी जयन्तीका अवसरमा राप्रपाले विभिन्न कार्यक्रम गर्दै आएको छ । राप्रपाले पृथ्वी जयन्तीको दिन प्रत्येक वर्ष चियापान गर्दै आएको छ ।