स्रोत नखुलेको ४ लाख भारतीय रुपैयाँ सहित कपिलवस्तुबाट एक जनालाई प्रहरीले पक्राउ गरेको छ । सीमा नाका कृष्णनगरस्थित यात्रु गेटबाट चार लाख १७ हजार भारतीय नोट सहित दाङको राप्ती गाउँपालिका–३ बस्ने २२ वर्षीय राजकुमार पुनमगरलाई प्रहरीले पक्राउ गरेको हो । 

भारतको बढनीबाट नेपालतिर आउँदै गरेका राजकुमारको सुरक्षा जाँच गर्ने क्रममा सो परिमाण बराबरको भारु बरामद भएको कृष्णनगरस्थित ईलाका प्रहरी कार्यालयले जनाएको छ । 

उनको साथबाट भारु पाँच सय दर ७ सय ९४ थान र दुई सय दरका एक सय थान नोट बरामद भएको प्रहरीले जनाएको छ ।