सलार्हीमा मोटरसाइकल दुर्घटना हुँदा चालकको मृत्यु भएको छ । हरिपुर नगरपालिका–३ फरहदवास्थित चिरान मिल नजिक ट्याक्टरमा मोटरसाइकल ठोक्किँदा कविलासी नगरपालिका–७ का १९ वर्षीय चन्दन यादवको मृत्यु भएको जिल्ला ट्राफिक कार्यालयले जनाएको छ । 

हरिपुरबाट मलंगवातर्फ आउँदै गरेको ज २ त ४५२ नम्बरको ट्याक्टरलाई सोही दिशामा रहेको भारतीय नम्बरको मोटरसाइकलले ठक्कर दिँदा मोटरसाइकल चालक यादव घाइते भएका थिए । 

यादवलाई उपचारका लागि प्रादेशिक अस्पताल पुर्‍याए लगत्तै चिकित्सकले मृत घोषणा गरेको जिल्ला ट्राफिक कार्यालयका प्रमुख प्रहरी निरीक्षक रजोश घिमिरेले जानकारी दिनुभयो । ट्याक्टर चालक फरार रहेकाले उनको खोजी भईरहेको प्रहरीले जनाएको छ ।