स्याङ्जाको वालिङ नगरपालिका–८ डुम्रस्कोट भन्ने स्थानमा मोटरसाइकल दुर्घटना हुँदा एक जनाको मृत्यु भएको छ । 

दुर्घटनामा मोटरसाइकलमा पछाडि सवार बिरुवा गाउँपालिका–७ घर भई हाल वालिङ–९ बस्दै आएका १६ वर्षीय सुशील गुरुङको मृत्यु भएको हो । 

वालिङ मोडबाट भकुण्डेतर्फ जाँदै गरेको ग १ ख ९४७२ नम्बरको ट्रकलाई सोही दिशामा रहेको लु ६९ प ८०६७ नम्बरको मोटरसाइकलले ओभरटेक गर्ने क्रममा दुर्घटना भएको जिल्ला प्रहरी कार्यालयका प्रहरी नायब उपरीक्षक हरिप्रसाद पौडेलले जानकारी दिनुभयो । 

ट्रक चालक पर्वतको कुश्मा नगरपालिका–१२ का ३९ वर्षीय दिवाकार लामिछाने र मोटरसाइकल चालक वालिङ–८ का १७ वर्षीय हेमन्त रानालाई प्रहरीले नियन्त्रणमा लिएको छ ।