युरोपा लिग फुटबलको उपाधि एटलान्टालाई
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/sports/EuropaLeaguefinalAtlanta2024-1716429338.jpg&w=700&height=600)
जेष्ठ १०, २०८१ | काठमाडौं
एडेमोला लुकमनकोे सनसनीपूर्ण ह्याट्रिक गोलको मद्दतमा एटलान्टाले यूइएफए युरोपा लिग फुटबल प्रतियोगिताको उपाधि जितेको छ ।
अविभा स्टेडियममा गएराति भएको खेलमा बायर लेभरकुजनलाई ३–० गोल अन्तरले पराजित गर्दै एटलान्टाले युरोपा लिग फुटबलको उपाधि उचालेको हो ।
एटलान्टाले युरोपेली फुटबलको कुनै पनि उपाधि जितेको यो पहिलो पटक हो । यस्तै, सन् १९७३ यता कोही खेलाडीले युरोपेली फुटबलको फाइनलमा गोल गरेको पनि यो पहिलो पटक हो ।
एटलान्टाको जितमा खेलको लुकमनले खेलको १२ औं, २६ औं र ७५ औं मिनेटमा गोल गरेका थिए । प्रशिक्षक जियान पिएरो गासपेरिनीको नेतृत्वमा एटलान्टाले पछिल्ला ५ वर्षमा चौथो पल्ट युरोपेली च्याम्पियन्स लिग खेलेको छ भने अहिले उपाधि चुम्न पनि सफल रह्यो ।
एटलान्टाले पछिल्ला ६१ वर्षयता कुनै पनि उपाधि जितेको पहिलो पटक हो । इन्टर मिलान र एसी मिलानको छायाँमा रहँदै आएको एटलान्टा अहिले क्लब इतिहासकै स्वर्णिण अवसरबाट गुज्रिरहेको छ ।
यो हारपछि जर्मन बुन्डेसलिगा क्लब बायर लेभरकुजनको ५१ खेलको अपराजित यात्रामा भने पूर्णविराम लागेको छ ।