मंसिर १५ गतेबाट हुने नेपाल प्रमियर लिग क्रिकेटका लागि फ्रेन्चाइज क्लब ‘काठमाडौं गुर्खाज’ले आफ्नो जर्सी सार्वजनिक गरेको छ । 

क्लबले आज काठमाडौंमा पत्रकार सम्मेलन गर्दै आफ्नो जर्सी सार्वजनिक गरेको हो । सार्वजनिक भएको नयाँ जर्सीमा कलो र पहेँलो रङ समावेश छ ।  

 क्लबले यो वर्षको लागि क्रिकेट एम्बासडरमा राष्ट्रिय महिला क्रिकेट टोलीकी कप्तान इन्दु बर्मासँग सम्झौता गरेको छ ।

जर्सीको क्लबका मालिक श्रृङ्खला खतिवडा, मार्की खेलाडी करन केसी, ब्रण्ड एम्बेस्डर इन्दु बर्माले संयुक्त रुपमा सार्वजनिक गरेका हुन् । यस्तै ‘काठमाडौं गुर्खाज’ले टाइटल स्पोन्सरका रुपमा चिनियाँ इलेक्ट्रिक कार बीवाईडीलाइ भित्र्याएको छ ।