जय ट्रफी एलिट कप क्रिकेटको फाइनल खेलअन्तर्गत पहिलो दिनको खेल सकिँदा त्रिभुवन आर्मी क्लबविरुद्ध नेपाल पुलिस क्लबले बलियो सुरुवात गरेको छ ।

वीरगञ्जस्थित नारायणी क्रिकेट मैदानमा खराब मौसमका कारण ढिलो गरी सुरु भएको खेलमा आर्मीले टस जितेर फिल्डिङ रोजेपछि पहिले ब्याटिङ गरेको पुलिसले पहिलो दिनको खेल सकिँदा १७ ओभरमा २ विकेट गुमाएर ८५ रन बनाएको छ । 

पुलिसका लागि कप्तान कुशल भुर्तेल ५० रन बनाएर खेलिरहेका छन् । 

अर्जुन साउदले भने खाता खोलेका छैनन् । 

आर्मीका सोमपाल कामी र साहब आलमले १–१ विकेट लिए । 

यसअघि समूह चरणका दुईदिवसीय खेलमा शीर्ष दुई बनेका पुलिस र आर्मी उपाधिका लागि भिडेका हुन् । फाइनल खेल भने तीन दिनको हुनेछ ।