श्रीलंकामा जारी साफ अण्डर १७ च्याम्पियनसिपको सेमिफाइलनमा आज नेपालले भारतको सामना गर्दैछ ।

खेल नेपाली समयअनुसार राति पौने ८ बजे कोलम्बोस्थित रेसकार्स रंगशालामा हुनेछ । नेपाल समूह ‘ए’को उपविजेता बन्दै सेमिफाइनल पुगेको हो ।

बलियो प्रतिस्पर्धी भारतलाई हराउन सके नेपालले इतिहास रच्ने छ । भारत भने समूह ‘बी’को विजेता हो ।

नेपालले पहिलो खेलमा श्रीलंकालाई २–० ले हराएको थियो । दोस्रो खेलमा बंगलादेशले नेपाललाई ४–० ले पराजित गरेको थियो ।

समूह ‘बी’मा भारतले शतप्रतिशत नतिजा निकालेको छ । उसले भुटान, पाकिस्तान र माल्दिभ्सलाई हराएको छ ।