‘मिस नेपाल २०२५’ को उपाधि लुना लुँइटेलले हात पार्नुभएको छ । आयोजक संस्था ‘द हिडन ट्रेजर’ले आज ललितपुरको गोदावरीस्थित सनराइज हलमा गरेको मिस नेपालको ३१ औं संस्करणमा यसवर्षको मिस नेपाल उपाधि लुँइटेललाई घोषणा गरेको हो ।

प्रतियोगितामा दीपशिखा नेपाल, ‘मिस नेपाल कस्मो’को ताजसहित पहिलो उपविजेता बन्नुभयो । त्यस्तै, उरुषा भण्डारी उपविजेता बन्दै ‘मिस नेपाल इन्टरनेसनल’को उपाधी प्राप्त गर्नुभयो । जापानमा हुने मिस इन्टरनेसनलमा उहाँले नेपालको तर्फबाट प्रतिनिधित्व गर्नुहुनेछ । त्यस्तै, सोनी घले प्रतियोगितामा ‘मिस नेपाल अर्थ २०२५’ घोषित हुनुभयो ।