आफ्नो दाबी रहेको क्षेत्रमा युक्रेनले आत्मसमर्पण गरे युद्ध अन्त्य हुन्छः रुसी राष्ट्रपति पुटिन
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/world/putin-1710427376.jpg&w=700&height=600)
असार १, २०८१ | काठमाडौं
रुसले दाबी गरेको सम्पूर्ण क्षेत्रमा युक्रेनले आत्मसमर्पण गरेमात्रै युद्ध अन्त्य गर्ने राष्ट्रपति भ्लादिमिर पुटिनले बताउनुभएको छ ।
राष्ट्रपति पुटिनले युक्रेनी अन्य भूभागलाई समेत गाभिने बताउनुभएको छ । नेटोमा सामेल हुने युक्रेनी राष्ट्रपति भोलोदिमिर जेलेन्सीकले आफ्नो निर्णयमा पुर्नविचार गर्नुपर्नेमा समेत पुटिनले जोड दिनुभएको छ ।
रुसले युक्रेन विरुद्धको युद्ध अन्त्यका लागि आफ्ना सर्तहरुलाई थप कडाईका साथ प्रस्तुत गरेको छ ।
पश्चिमी देशले गरेको प्रतिबन्धले रुसको अर्थतन्त्रलाई प्रभाव पारे पनि अपागंता नै भने नबनाएको राष्ट्रपति पुटिनको भनाई छ ।
स्विस शान्ति सम्मेलनको अघिल्लो दिन राष्ट्रपति पुटिनको यस्तो भनाई आएको हो ।
सो सम्मेलनमा करिब सय देशका प्रतिनिधिहरुको सहभागिता छ । सम्मेलनमा रुसलाई भने आमन्त्रण गरिएको छैन ।