इन्डोनेसियाको एक स्थानीय संसद भवनमा आगजनी भएको छ । दक्षिण सुलावेसी प्रान्तको प्रान्तीय परिषद्को भवनमा आगजनी भएको हो । 

सो भवनमा भएको आगालागीका कारण ३ जनाको मृत्यु भएको छ । पाँच जना घाइते भएका छन् । प्रहरीको गाडीले दिएको ठक्करबाट एक मोटरसाईकल चालको मृत्यु भएपछि पछिल्लो केहिदिन यता इन्डोनेसियामा सरकार विरोधि प्रदर्शन चर्किदै गएको छ ।

हिजो मात्रै पश्चिम जाभाको बान्डुङ शहरमा भएको प्रदर्शनका क्रममा क्षेत्रीय संसदमा आगजनी भएको थियो । इन्डोनेसियाको दोस्रो ठूलो शहर सुराबायामा, प्रदर्शनकारीले घेराबार तोडेर स्थानीय संसद् भवनमा आगजनी सहित सवारी साधानमा तोडफोड गरेको समाचारमा जनाइएको छ ।

 यसैबीच अमेरिका, अस्ट्रेलिया र दक्षिणपूर्वी एसियाली देश लगायतका विदेशी दूतावासले आफ्ना नागरिकलाई प्रदर्शन क्षेत्र वा ठूला सार्वजनिक जमघटबाट टाढा रहन आग्रह गरेका छन् ।