मानवीय सहायताको क्षेत्रमा काम गर्दै आएको संस्था रेडक्रसले युद्धग्रस्त गाजा शहरको सामूहिक स्थानान्तरण असम्भव रहेको जनाएको छ ।

 गाजा क्षेत्रमा पछिल्लो समय इजरायलले आफ्नो आक्रमणलाई तीव्र बनाइरहेको सन्दर्भमा रेडक्रसले सो क्षेत्रका नागरिकको उद्दार तथा स्थानान्तरण असम्भव भएको प्रतिक्रिया दिएको हो । अन्तर्राष्ट्रिय रेडक्रसका उच्च अधिकारीले गाजा शहरबाट नागरिकको सुरक्षित तथा सम्मानजनक उद्धार सम्भव नहुने बताएको समाचारमा जनाइएको छ ।

 गाजाबाट हुने नागरिकहरुको सामूहिक विस्थापन गाजाको अन्य क्षेत्रमा व्यवस्थापन गर्न सम्भव नदेखिएको रेडक्रसको भनाइ छ । बिद्रोही समूह हमास र इजरायलबीच लामो समयदेखि जारी युद्धका कारण गाजा क्षेत्रमा अत्यावश्यक खानेकुरा, आश्रयस्थल र औषधिको अभाव देखिएको छ । यसैबीच इजरालयको सेनाले भने गाजा क्षेत्रमा कारवाहीलाई निरन्तरता दिदै मानवीय सहायता भने जारी राखिने बताएको छ ।