परीक्षा नियन्त्रण कार्यालय कक्षा १० ले यही असार दोस्रो साताभित्र माध्यमिक शिक्षा परीक्षा एसईईको नतिजा सार्वजनिक गर्ने तयारी गरेको छ । रेडियो कान्तिपुरसँग कुरा गर्दै कक्षा १० का परीक्षा नियन्त्रक नन्दलाल पौडेलले असार दोस्रो साताभित्र परीक्षाफल सार्वजनिक गर्ने अन्तिम तयारी भइरहेको बताउनुभयो । 

यसपटक ग्रेडिङ प्रणालीमा पनि सैद्धान्तिक तर्फ ७५ को ३५ प्रतिशत र प्रयोगात्मक तर्फ २५ को ४० प्रतिशत प्राप्तांक गर्नुपर्ने अनिवार्य रहेको उहाँको भनाई छ । यसअघि पनि ग्रेडिङ प्रणाली नै रहेकामा सैद्धान्तिक र प्रयोगात्मकको प्राप्ताङक मिलाएर विद्यार्थि उतीर्ण हुने भएपनि यस पटक भने छुट्टाछुट्टै गरिएको पनि उहाँले बताउनुभयो ।