कालिकोटको पलाता गाउँपालिका ३ राडूनेटामा जीप दुर्घटना हुँदा ६ जनाको मृत्यु भएको छ । १३ जना घाइते भएका छन् ।

पलाताको थिर्पू जाँदै गरेको क १ ज ५६ नम्बरको जिप आज दिउँसो दुर्घटना भएको कालिकोट प्रहरीले जनाएको छ ।

कालिकोट प्रहरीका अनुसार दुर्घटना मापरि पलाताका ६ का दसकला शाही, पदम बम, भगवति रोकाया र गणेश शाहीको मृत्यु भएको हो । यस्तै पलाता ५ का छाया शाही र ३ का दमन रोकायाको मृत्यु भएको प्रहरीले जनाएको छ । 

दुर्घटनामा घाइते भएकाहरुको उपचारका लागि प्रादेशीक अस्पताल सुर्खेत कालागाउँ पठाइएको छ ।