हङकङमा आजबाट सुरु हङकङ सिक्सेस क्रिकेटको पहिलो खेलमा नेपाल पराजित भएको छ ।

मोङकोकस्थित मिसन रोड ग्राउण्डमा भएको खेलमा नेपाल अफगानिस्तानसँग १७ रनले पराजित भएको हो ।

अफगानिस्तानले दिएको १ सय १३ रनको लक्ष्य पछ्याएको नेपाल निर्धारित ओभरमा २ विकेट गुमाएर ९५ रन मात्र बनायो ।

नेपालका लागि सन्दीप जोराले अर्धशतक बनाएर रिटाएर भए ।

राशिद खान र आदिल आलमले समान ११ रन बनाए ।

लोकेश बमले १० रनमा आउट भए ।

त्यसअघि टस जितेर पहिले ब्याटिङ गरेको अफगानिस्तानले निर्धारित ओभरमा ५ विकेट गुमाएर १ सय १२ रन बनाएको थियो ।

अफगानिस्तानका लागि करिम जनतले सर्वाधिक ३५ रन बनाए ।

नेपालका लागि राशिद खानले ह्याट्रिकसहित ४ विकेट लिए । लोकेश बमले १ विकेट लिए ।

नेपालले अब दोस्रो खेलमा भोलि दक्षिण अफ्रिकासँग खेल्नेछ ।