९ दिनदेखि एनएमसीका चिकित्सक आन्दोलनमा
जेष्ठ २२, २०७७ | काठमाडौं
एकलौटी रुपमा सम्झौता भएको भन्दै जोरपाटीस्थित नेपाल मेडिकल कलेज (एनएमसी) का चिकित्सकहरुले बिहीबार पनि आन्दोलन जारी राखेका छन् ।
चिकित्सकमाथि कुटपिट गर्नेलाई कारबाही गर्ने प्रक्रियामा सरकार उदासिन देखिएको भन्दै उनीहरुले आफूहरुको माग पूरा नभएसम्म आन्दोलन जारी रहने बताएका छन् । स्वास्थ्य तथा जनसंख्या मन्त्रालयमा बुधबार बसेको बैठकमा सहमति नभएपछि उनीहरुले बिहीबार पनि अस्पतालमा विरोध जारी राखेका हुन् ।
हातमा कालोपट्टी बाँधेर उनीहरु अस्पतालमै आन्दोलन गरिरहेका छन् । मन्त्रालयमा हिजो भएको सम्झौतामा आन्दोलनरत पक्षलाई समावेश नगरी एकलौटी रुपमा सहमति भएको भन्दै माग सम्बोधन नभएसम्म आन्दोलन यथावत रहने नेपाल मेडिकल कलेजका आवासीय चिकित्सक डा. गुञ्जन खड्काले बताउनुभयो ।
कोभिड–१९ को संक्रमणसाग जुधेर काम गरिरहेका चिकित्सकमाथि हातपात हुादापनि दोषी कारबाहीको दायरामा नआउादा सम्पूर्ण स्वास्थ्यकर्मीको मनोबल गिरेको उहाँले बताउनुभयो ।
चिकित्सकहरुको विरोधका कारण अस्पतालको ओपीडी सेवा बन्द छ भने, अस्पताल प्रशासनमा लगाइएको ताला पनि अझै खुलाइएको छैन । ड्युटीमा खटिएका चिकित्सकमाथि हातपात भएपछि विगत ९ दिनदेखि एनएमसीका चिकित्सक आन्दोलनमा उत्रिएका हुन् ।
चिकित्सकमाथि हातपात गर्नेलाई कारबाही प्रक्रियामा अस्पताल प्रशासनले नै असहयोग गरेको भन्दै उनीहरुले प्रशासनमा तालाबन्दी गरेका हुन् ।
सम्बन्धित समाचार :