बैतडीमा लगातारको वर्षा पछि खसेको पहिरोले ९ परिवार विस्थापित भएका छन् ।

बैतडी जिल्लाको सूर्नया गाउँपालिका–८ ढोलेका ९ परिवार विस्थापित भएको वडा कार्यालयले जनाएको छ ।

पहिरोले रातापानीका उद्धव बोहरा, धनुवा बोहरा, रामसिंह बोहरा, गम्भीरसिंह बोहरा र कृष्ण बोहराको परिवार विस्थापित भएको छ । मल्लो ढोलेका लाल लुहार, परमल लुहार र जहरे बोहराको परिवारका साथै तल्लो ढोलेका माने लुहारको परिवार पनि पहिरोले विस्थापित भएका छन् ।

 विस्थापित परिवारलाई सुरक्षित स्थानमा सारिएको पालिकाले जनाएको छ ।