अमेरिकी उच्च अधिकारी नेपाल आउँदै
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/default/Radio-1711255025.jpg&w=700&height=600)
श्रावण ३२, २०८१ | काठमाडौं
केएफएक डेस्क
केपी शर्मा ओली नेतृत्वमा सरकार बनेपछि अमेरिकाका तर्फबाट उच्चस्तरीय भ्रमण आज हुँदैछ ।
अमेरिकाकी व्यवस्थापन एवं श्रोत उपविदेशमन्त्री रिजर्ड बर्मा नेपालको दुई दिने भ्रमणमा आउन लाग्नुभएको हो ।
राष्ट्रपति जो बाईडेन प्रशासनका अन्य उच्च पदस्थ अधिकारी सहित नेपाल आउन लागेका बर्माको भ्रमणका क्रममा दुई देशबीचको कुटनीतिक सम्वन्ध, आर्थिक सहयोग लगायतका विभिन्न विषयमा छलफल हुने परराष्ट्रमन्त्रालय श्रोतले जनाएको छ ।
नेपाल भ्रमणका क्रममा उहाँले प्रधानमन्त्री केपी शर्मा ओली, परराष्ट्रमन्त्री आरजु राणासंग भेटवार्ता गर्ने तय भएको छ ।
उपमन्त्री रिचर्डको नेपाल भ्रमणका क्रममा विशेष एजेण्डा तय नभएपनि नयाँ सरकारसंगको सहकार्यका विविध आयमबारे छलफल हुने बताईएको छ ।
बर्माले २ साता अघि मात्रै बाईडेन प्रशासनमा विशेष नियुक्ती एवं युक्रेनको आर्थिक पुर्नउत्थान प्याकेजका लागि नेतृत्वदायी भूमिका पाउनुभएको थियो ।
उहाँ अमेरिकी विदेशमन्त्रालयमा एन्टोनी ब्लिङकेन पछि दोस्रो तहमा हुनुहुन्छ ।
यसअघी उहाँ २०१४ देखि १७ को अवधिमा भारतका लागि राजदूत समेत हुनुहुन्थ्यो ।
नेपाल भ्रमण पछि बर्मा भारत समेत जाने अमेरिकी विदेशमन्त्रालयले उल्लेख गरेको छ ।