सर्लाहीको गोडैता नगरपालिका–१२ बाट नलकटुवा पेस्तोल र त्यसमा प्रयोग हुने गोली सहित दुई जना भारतीय नागरिक पक्राउ परेका छन् । 

भारत बिहारको सितामढी मेजरगञ्जका २६ वर्षीय कुन्नु पटेल र ३० वर्षीय मुकेश पटेललाई नलकटुवा पेस्तोल र त्यसमा प्रयोग हुने गोलीसहित प्रहरीले पक्राउ गरेको हो । 

उनीहरुको साथबाट सोही पेस्तोलमा प्रयोग हुने ६ राउण्ड गोली, एक हजार दरको २० थान नक्कली नोट र सानो पेस्तोलमा प्रयोग हुने ४ राउण्ड गोली समेत बरामद भएको जिल्ला प्रहरी कार्यालयले जनाएको छ । 

जिल्ला प्रहरी कार्यालयबाट खटिएको टोलीले भारतबाट नेपालको मधुवनी गाउँतर्फ आउँदै गरेका उनीहरुलाई सो हतियार र नक्कली नोट सहित पक्राउ गरेको हो ।