युवा उद्यमी महिलालाई प्रवद्र्धन गर्ने उद्धेश्य सहित गठन भएको जेसीआई काठमाडौं लेडीले नयां नेतृत्व पाएको छ ।

४७ वर्ष देखि देशव्यापी सामाजिक कार्यमा सक्रिय हुंदै आएको जेसिजको भ्रातृ संस्था जेसीआई काठमाडौंको यो वर्ष सन् २०२५का लागि तुल्सी थापाको नेतृत्वमा १६ सदस्यीय कार्य समिति समेत गठन भएको हो । 

१८ देखि ४० वर्ष उमेर समुहका युवा उद्यमीलाई संसदीय बैठक प्रक्रिया, नेतृत्व विकास, प्रभावकारी भाषण कला विकास लगायतमा संस्थाले तालिम दिंदै आएको छ । 

यस्तै, सो उमेर समुहका युवा महिलाको व्यक्तित्व, नेतृत्व लगायत अन्तर्राष्ट्रिय तथा व्यापारिक विकासका लागि संस्थाले सहयोग गर्ने काठमाडौं लेडी जेसिजकी अध्यक्ष थापाले बताउनुभयो ।