पाँचथरको फिदिममा जारी ११ औं फाल्गुनन्द गोल्डकपअन्तर्गत आजदेखि समिफाइनलका खेलहरु सुरु हुँदैछन् । 

फिदिम माविको खेल मैदानमा आज पहिलो समिफाइनलमा आयोजक फिदिम स्पोर्टिङ क्लव र चर्च ब्याइज काठमाडौंबीच प्रतिस्पर्धा हुनेछ ।

फिदिम स्पोर्टिङ क्लव र चर्च ब्याइज काठमाडौंको खेल दिउँसो ३ बजे सुरु हुनेछ । 

पहिलो क्वाटर फाइनलमा फिदिम स्पोर्टिङले त्रिभुवन आर्मीलाई र चर्च ब्याइजले बिराटनगर एफसीलाई हराएर सेमिफाइनलको यात्रा तय गरेका हुन् ।

दोस्रो सेमिफाइनलमा भोली एनआरटीले मच्छिन्द्र फुटबल क्लबसँग प्रतिस्पर्धा गर्नेछ । 

प्रतिस्पर्धी सहलेश युथ क्लब सिरहालाई टाइब्रेकरमा हराउँदै एनआरटीले ११औं फाल्गुनन्द गोल्डकपको सेमिफाइनल यात्रा सुरक्षित गरेको हो ।

फाइनल खेल भने आगामी सोमबार हुनेछ । विजेताले १० लाख ५ सय ५५ रुपैंया र उप विजेताले ५ लाख ५ सय ५५ रुपैंयाँ प्राप्त गर्नेछन ।