चर्च ब्वाइज युनाइटेड पाँचथरमा जारी फाल्गुनन्द गोल्डकप फुटबल प्रतियोगिताको फाइनलमा प्रवेश गरेको छ ।

फिदिम माविको खेल मैदानमा आज भएको पहिलो सेमिफाइनलमा आयोजक फिदिम स्पोर्टिङ क्लवलाई ३–१ गोलले पराजित गर्दै चर्च ब्वाइजले फाइनलमा स्थान सुरक्षित गरेको हो । 

खेलमा घरेलु टोली फिदिमले अग्रता लिए पनि जोगाउन सकेन ।

चर्च ब्वाइजको जितमा समिर तामाङ र दुई विदेशी खेलाडी अर्माण्ड र अबायोमीले एक÷एक गोल गरे । 

फिदिमका लागि दिनेश शर्माले एक गोल गरे । 

चर्च ब्वाइजले अब उपाधिका लागि एनआरटी र मच्छिन्द्र फुटबल क्लबबीचको विजेतासँग प्रतिस्पर्धा गर्नेछ ।

दोस्रो सेमिफाइनल भोली हुनेछ । प्रतियोगिताको फाइनल खेल आगामी सोमबार हुनेछ ।