नेदरल्यान्ड्सले त्रिकोणात्मक महिला टी–ट्वान्टी अन्तर्राष्ट्रिय क्रिकेट सिरिजको पहिलो खेलमा नेपाललाई २० रनले पराजित गरेको छ । १ सय ५८ रनको लक्ष्य पछ्याएको नेपालले निर्धारित ओभरमा ७ विकेट गुमाई १ सय ३७ रनमात्र बनाउन सक्यो ।

नेपालकी सीता रानामगरले सर्वाधिक २८ रन बनाइन् । यस्तै, कविता जोशीले २७, पूजा महतोले २४, रुविना क्षेत्रीले ११ रन बनाइन् । यसअघि नेदरल्यान्ड्सले १ सय ५७ रन बनाएको थियो । नेदरल्याण्ड्सका लागि रोबिन रिकेले नट आउट रहँदै सर्वाधिक ५९ रन जोडिन् ।

नेपालका लागि कविता कुवँर, पुजा महतो, सिता राना मगर र इश्वरी बिष्टले एक÷एक विकेट लिएका थिए । अब नेदरल्यान्ड्सले भोली थाइल्यान्डसँग खेल्दा, पर्सि शनिबार नेपाल र थाइल्यान्डबीच प्रतिस्पर्धा हुनेछ । सहभागी टोलीले एकअर्कासँग तीन पटक खेल्नेछन् र सर्वाधिक अंक ल्याउने टोली विजेता बन्नेछ ।