नेपाल सुपर लिग फुटबलमा आज दुई खेल हुँदैछन् । त्रिपुरेश्वरस्थित दशरथ रंगशालामा हुने पहिलो खेलमा पोखरा थन्डर्स र काठमाडौं रेजर्स आमनेसामने हुनेछन् । पोखरा र काठमाडौंबीचको खेल दिउँसो साढे २ बजे सुरु हुनेछ । यस्तै साँझ ६ बजे हुने अर्को खेलमा धनगढी एफसी र ललितपुर सिटीबीच प्रतिस्पर्धा हुनेछ ।

यसअघि हिजो राती सम्पन्न खेलमा एफसी चितवनले बुटवल लुम्बिनी एफसीलाई एक शुन्य गोलले पराजित गरेको छ । चितवनले एनएसएलमा लगातार दोस्रो जित निकाल्दै ६ अंकसहित लिग तालिकाको शीर्ष स्थानमा उक्लेको छ ।