अस्ट्रेलियामा जारी अभ्यास खेलमा नेपाली राष्ट्रिय पुरुष क्रिकेट टोलीले साउथ अस्ट्रेलियाविरुद्धको एक दिवसीय खेलमा जित निकालेको छ ।

 कप्तान रोहितकुमार पौडेलको नट आउट १ सय १ रनको शतकिय इनिङ्समा नेपालले घरेलु टोली साउथ अस्ट्रेलियालाई २ विकेटले पराजित गरेको हो । साउथ अस्ट्रेलियाले दिएको २ सय ४३ रनको लक्ष्य नेपालले ४४ दशमलव १ ओभरमा ८ विकेट गुमाएर पुरा ग¥यो । 

१ सय ६१ रन बनाउँदा ८ विकेट गुमाइसकेको स्थितीमा पौडेल र सोमपाल कामीले ८३ रनको साझेदारी गर्दै टोलीलाई जित दिलाएका हुन् । सोमपालले ३० बलमा ३८ रन बनाएका हुन् । त्यसअघि टस हारेको साउथ अस्ट्रेलियाले २ सय ४२ रन बनाएको थियो ।

 नेपालका लागि नन्दन यादव र सोमपाल कामीले समान ३–३ विकेट लिए भने सन्दीप लामिछाने, शाहब आलम र रुपेश सिंहको नाममा १–१ विकेट रह्यो । टी–२० विश्वकप छनोट अघि नेपालले अस्ट्रेलियाको भ्रमण गरेको हो ।